Deur Anja van den Berg

Derdepartymotorversekering is die minimum vlak van versekering wat mens kan kry. Hierdie versekering is ontwerp om ʼn derde party te vergoed jy hulle persoon, voertuig of eiendom beskadig het. https://www.claimhelp.co.za bied Suid-Afrikaanse verbruikers praktiese en waardevolle advies in verband met derdepartyversekeringsregte en -verantwoordelikhede.

Derdepartyversekering dek nie die koste van herstelwerk of behandeling vir jou eie skade nie; die versekering dek net die koste om die slagoffer te vergoed.

As jy betrokke was in ʼn motorongeluk of ʼn ongeluk waarby ʼn ander persoon se eiendom betrokke was en wat nie jou skuld was nie, sal jy dalk skadevergoeding van die versekerde party wil eis. Om dit te doen, moet jy probeer om die omvang van die skade wat jy as gevolg van die ongeluk gely het te bewys.

Die onus rus op jou, die eiser, om die omvang van jou verlies te bewys.

Dit is ook essensieel om daarop te let dat jy, as ʼn derde party, nie noodwendig daarop geregtig is om regstreeks van die verantwoordelike party se versekering te eis nie. In plaas daarvan moet jy regstreeks eis van die verantwoordelike party, wat op sy beurt weer enige korrespondensie en regsdokumente aan die versekeraar sal oorhandig.

Die versekeraar se plig teenoor die verantwoordelike party is om seker te maak dat hy of sy onthef word van regsaanspreeklikheid ten opsigte van die derde party se skade. Die versekeraar se regte betreffende die eis sal in die versekeringspolis met die versekerde party gestipuleer wees.

In hoofsaak is die versekeraar se doel in derdepartyversekering om die verantwoordelikheid van die versekerde party oor te neem indien hy of sy die oorsaak is van skade aan ʼn ander persoon of sy of haar eiendom.

Waarvoor kan jy eis?

• Mediese uitgawe, met inbegrip van hospitaalverblyf, operasies, doktersbesoeke en alle opvolgprosedures deur ʼn mediese deskundige om beserings te behandel

• Verliese as gevolg van die onvermoë om te werk omdat die skade wat opgedoen is jou vermoë om te werk belemmer het. Dit kan wees as gevolg van persoonlike beserings of skade aan eiendom en gevolglike onvermoë om te werk, byvoorbeeld as jy van die huis af werk en jou ateljee word beskadig as gevolg van ʼn ander persoon se nalatigheid
• Kompensasie vir pyn, verlies of trauma wat verband hou met die skade wat gely is. Jy kan byvoorbeeld sielkundige probleme ondervind terwyl jy van die voorval herstel.
• Verlies van onderhoud. Indien die persoon wat in ʼn derdepartyongeluk beseer of gedood is regtens verplig was om jou te onderhou of jou gesin se broodwinner en finansiële steun was, kan jy eis vir verlies aan onderhoud, wat sou beteken dat jy jou afhanklikheid moet bewys.

Om van die verantwoordelike party te eis:

• Jy, as die eiser, moet eers bewys dat die skade wat jy en jou eiendom gely het ʼn direkte oorsaak van die voorval was.
• Jy moet nalatigheid of roekeloosheid aan die kant van die versekerde party bewys, soos bestuur terwyl hy op die selfoon praat of teen ʼn onwettige spoed
• Jy moet bewys dat die herstelwerk en vergoeding die voertuig sal herstel in dieselfde toestand waarin dit sou gewees het as die ongeluk nie plaasgevind het nie.
• Jy moet dalk jou muur herstel nadat ʼn dronk bestuurder daarin vasgery het. Jy kan van die versekerde eis nadat herstelwerk gedoen is.

As die verantwoordelike party nie versekering het nie, of as jy die slagoffer was van ʼn ongeluk terwyl jy op ʼn openbare voertuig soos ʼn bus was, of indien jy verkies om deur die regering te eis, moet jy die Padongelukkefonds (POF) kontak.

Bronne

https://www.claimhelp.co.za/third-party/