Oortyd

Maandag, April 4th, 2016

 

Die spesifieke artikels van die Wet op Basiese Diensvoorwaardes (Nr. 75 van 1997) wat handel oor oortyd is slegs van toepassing op diegene wat onder die inkomstedrempel verdien. Die inkomstedrempel word deur die minister bepaal en afgekondig. Tans is die inkomste-drempel R205 433,33 per jaar of ongeveer R17 120,00 per maand.

Indien jy onder die inkomstedrempel verdien, moet die werkgewer jou vergoed vir alle oortyd gewerk en word die berekening van oortyd betaalbaar deur wetgewing gereguleer. Vergoeding vir oortyd word bereken as óf een en ʼn half keer jou gewone loon vir die tyd, óf as een en ʼn half keer die tyd af. Op Sondae of openbare vakansiedae verhoog die berekening van een en ʼn half keer na dubbel die gewone loon of tyd.

’n Belangrike aspek om in ag te neem, is of die werknemer in sy of haar dienskontrak ooreenkom om oortyd te werk. Indien daar ’n bepaling is wat lees dat die werknemer toestem om oortyd te werk, kan die werknemer nie rederlikerwys weier nie.

 

Indien jy egter bo die inkomstedrempel verdien, word jou vergoeding vir oortydwerk nie deur die wet gereguleer nie. Dit beteken nie dat jy onbeperkte oortyd moet werk sonder enige vergoeding nie. Dit beteken slegs dat jy self die vergoeding met jou werkgewer moet onderhandel. Onthou dat verantwoordelikhede met ’n sekere salarisskaal en posvlak gepaardgaan en ’n werkgewer kan verwag dat so ’n werknemer ’n bietjie ekstra insit. Gebruik dus self jou oordeel oor hoe en wanneer om die werkgewer in dié verband te nader.

Indien jy enige verdere navrae het oor oortyd, of oor hoe om jou werkgewer in die verband te nader, kontak gerus ons dienssentrum by 0861 25 24 23 of by diens@solidariteit.co.za

 

Outeur: Leandri Streit

  •  
  •  
  •  
  •  
  • Jacques Pretorius

    Hoe werk oortyd met n drie skof systeem. ons werk 3 dag en 3 nag vir 12 ure op n slag en dan 3 dae af. Ons kry 2 ure oortyd n dag met 1 uur ete. hulle betaal net 2 ure oortyd n dag al val dit op n sondag of n vakansie dag. is dit reg?

Ander Artikels

Só doen jy aansoek vir ’n dranklisensie
Sanette Viljoen     Die aansoek word ingedien ingevolge Artikel 19 van die Drankwet, nr. 27 van 1989, en die voorgeskrewe vorm (Vorm 1) moet daarvoor gebruik word. Hierdie vorm moet in drievoud ingedien word. Die volgende moet in die aansoek ingesluit word: Bewys van adres; Finansiële state indien dit ’n bestaande besigheid is; Plan […]
Wat moét my prokureur vertroulik hou?
Vraag: “Ek het ‘n afspraak met ‘n prokureur om regsadvies te kry oor my besigheid en die strukturering daarvan. Ek sal sekere vertroulike inligting rakende my besigheid met hom moet deel. Val dit onder die beskerming van prokureur-kliënt privilegie?”   Antwoord: Dit is belangrik om te verstaan dat vertroulikheid en prokureur-kliënt- of regsprofessionele privilegie twee […]
Oortyd
  Die spesifieke artikels van die Wet op Basiese Diensvoorwaardes (Nr. 75 van 1997) wat handel oor oortyd is slegs van toepassing op diegene wat onder die inkomstedrempel verdien. Die inkomstedrempel word deur die minister bepaal en afgekondig. Tans is die inkomste-drempel R205 433,33 per jaar of ongeveer R17 120,00 per maand. Indien jy onder die inkomstedrempel […]
1 2 3 38