Teken
asseblief in

Dronkbestuur

In Suid-Afrika is die alkohollimiet tans die volgende:

Enige persoon wat bo die bogenoemde limiet is tydens ’n blaastoets of bloedtoets vir alkohol by ’n padblokkade, kan gearresteer word op ’n klagte van bestuur onder die invloed van alkohol. Jy is nie geregtig om die toets te weier nie. Indien jy die toets weier, pleeg jy ʼn misdaad en dieselfde straf kan aan jou opgelê word as dié van bestuur met ʼn bloedalkoholvlak bo die voorgeskrewe beperking.

Die polisiebeampte is wetlik verplig om die gearresteerde persoon na ʼn geregistreerde mediese praktisyn te neem indien bloedtoetse geneem moet word. Die polisiebeampte mag die nodige geweld toepas om die persoon te dwing om ʼn bloedmonster te verskaf.

ʼn Blaastoets of bloedtoets vir alkohol moet geneem word met ʼn inkriminerende uitslag voordat ʼn regmatige arrestasie kan plaasvind. Volgens ʼn onlangse uitspraak in die Appèlhof kan die polisie nie ’n motoris regmatig arresteer in die afwesigheid van so ’n toetsresultaat nie. Arrestasie mag nie plaasvind waar die beampte se vermoede slegs gebaseer is op “die blote feit dat hy effens na alkohol ruik” nie.

By vervolging van die misdaad van bestuur met die bloedalkoholvlak bo die voorgeskrewe beperking, moet daar bewys word dat die konsentrasie alkohol in enige bloedmonster van enige deel van die liggaam van die betrokke persoon meer as 0,05 g per 100 ml was te eniger tyd binne twee ure nadat die beweerde oortreding plaasgevind het.

By vervolging van die misdaad van bestuur met die asem-alkoholvlak bo die voorgeskrewe beperking, moet daar bewys word dat die konsentrasie alkohol in enige asemmonster van die betrokke persoon meer as 0,24 mg per 1 000 ml was te eniger tyd binne twee ure nadat die beweerde oortreding plaasgevind het.

i) Wat is my regte indien ek in hegtenis geneem is vir dronkbestuur?

  1. Om met respek en waardigheid behandel te word;
  2. om te weet wie is die mediese praktisyn;
  3. om te weet wat om te verwag tydens die ondersoek – die proses moet met jou bespreek word;
  4. die reg tot toegang tot my eie mediese praktisyn, indien hy of sy beskikbaar is, wie se kostes ek self sal dra;
  5. die reg om ondersoek te word in ʼn plek wat ontwerp en toegerus is vir hierdie doel – nie ʼn polisiesel, aanklagkantoor of swak toegeruste plek nie.
  6. Die fisiese welstand van die persoon geniet prioriteit. Geen bloed- of asem- steekproefnemingsprosedure sal die uitstel van ʼn dringende mediese behandeling vir ‘n lewensbedreigende toestand veroorsaak nie.
  7. Persone wat erg onder die invloed van alkohol is, moet na die hospitaal verwys word vir waarneming.
  8. Persone wat aangehou word en tot ʼn mindere mate onder die invloed van alkohol is, moet elke 15 minute deur ʼn ervare polisiebeampte waargeneem word totdat hulle nugter is.
  9. Persone het die reg tot toegang tot hul normale roetinemedikasie.
  10. Elke persoon het die reg om verwys te word vir rehabilitasie, sou dit ʼn voor-die-hand-liggende geval van alkoholisme wees. ’n Skriftelike aanbeveling moet in hierdie geval gemaak word vir die landdros se insae.
  •  
  •  
  •  
  •  
Top

Registreer / Register

Maak toe / Close