Wanneer kan iemand polisieborgtog kry as hy buite hoftyd gearresteer word?

Vrydag, Februarie 3rd, 2017

Sanette Viljoen

 

Enige persoon wat in hegtenis geneem word, moet so gou moontlik na ‘n polisiestasie geneem en ingelig word van sy of haar reg om vir borgtog aansoek te doen. Die persoon moet binne 48 uur na sy of  haar inhegtenisname voor ‘n hof gebring word. Indien die 48-uur-tydperk buite gewone hoftyd verstryk, moet die persoon op die eersvolgende hofdag verskyn.

‘n Persoon se prokureur kan ook in sekere kleiner misdade vra dat hy of sy op polisieborgtog vrygelaat word. Die persoon hoef dan nie in aanhouding te wag om in die hof te verskyn vir ‘n borgtogaansoek nie.

In gevalle waar iemand aangekla word van misdade soos dié hier onder, kan ‘n prokureur met die ondersoekbeampte reël dat die persoon voor die eerste hofverskyning op polisieborgtog vrygelaat word. Die SAPD kan borgtog vasstel vir die volgende misdade:

  • aanranding
  • diefstal, indien die waarde van die gesteelde goedere minder as R2 500 beloop
  • crimen injuria (strafbare laster)
  • die besit van ‘n klein hoeveelheid dagga
  • dronkbestuur
  • roekelose of nalatige bestuur

 

Daar is egter sekere misdade waarvoor die SAPD nie polisieborgtog sonder die toestemming van die staatsaanklaer mag toestaan nie. Dít kan soms polisieborgtog vertraag aangesien die staatsaanklaer dalk nie dadelik beskikbaar is nie. Vir die volgende misdade is die staatsaanklaer se toestemming vir borgtog nodig:

  • openbare geweld
  • strafbare manslag
  • bestialiteit
  • aanranding met die opset om ernstig te beseer
  • brandstigting
  • huisbraak
  • opsetlike saakbeskadiging
  • roof sonder die gebruik van ‘n wapen, mits die waarde van die buit minder as R20 000 beloop
  • diefstal van goedere waarvan die waarde minder as R20 000 beloop
  • die besit van onwettige dwelmmiddels
  • bedrog, vervalsing of afpersing indien die betrokke bedrag minder as R20 000 beloop

 

As iemand van die volgende misdade aangekla word, kan slegs ‘n hof borgtog vasstel, en slegs gedurende gewone hoftyd:

  • moord
  • verkragting
  • misdade van ‘n seksuele aard, gepleeg teenoor ‘n kind of verstandelik gestremde persoon
  • handeldryf in mense vir seksuele doeleindes
  • gewapende roof
  • diefstal, die ontvangs van gesteelde goedere, roof, bedrog of vervalsing indien die betrokke bedrag meer as R20 00 beloop
  • die onwettige besit van of handeldryf in edelmetale of -stene
  • ontvoering
  • menseroof
  • intimidasie
  •  
  •  
  •  
  •  

Ander Artikels

Hoe die reg op privaatheid werk
Sanette Viljoen     Voor die Wereldbeker-rugbytoernooi van 2003, het die Springbokspan ʼn oefenkamp bygewoon wat later bekend geword het as Kamp Staaldraad. Tydens hierdie kamp is die spelers blootgestel aan uitputtende fisiese oefeninge, ysige temperature, uiterste fisiese ongemak en vernederende aktiwiteite. Verskeie van hierdie aktiwiteite is op film vasgevang. Na afloop van die kamp […]
Hoe werk ʼn permanente verblyfpermit vir Suid-Afrika?
Sanette Viljoen   Dit is ʼn permit wat ʼn persoon toelaat om permanent in Suid Afrika te woon en steeds ʼn burger van ʼn ander land te bly. Ingevolge die Wysigingswet op Immigrasie mag sodanige permit uitgereik word op voorwaarde dat die aansoeker nie belet of ongewens is nie.   Daar is 4 vereistes vir […]
Die ondertekening van ʼn ooreenkoms: Hoe belangrik is dit?
Afgesien van verskeie tipes regsdokumente waar die handtekeninge van die partye regtens vereis word (byvoorbeeld ʼn ooreenkoms om ʼn saaklike reg in grond van die hand te sit soos bedoel in die Wet op Vervreemding van Grond, 1981), is daar ʼn wanopvatting in die handel dat ʼn gewone ooreenkoms wat op skrif gestel is altyd […]
1 2 3 46